Святкуем Дзень роднай мовы!
21.02.202221 лютага – у Дзень роднай мовы – школа сустракала вучняў і настаўнікаў па-святочнаму ўпрыгожанай: на першым паверсе размясцілася фотазона “Беларуская хатка”, другі і трэці паверх былі ўпрыгожаны вучнёўскімі насценгазетамі і творчымі работамі, прысвечанымі Дню роднай мовы. Вучні малодшых класаў актыўна прынялі ўдзел у выставе-акцыі “Гучы, роднае слова!”. Вучні старшых класаў падрыхтавалі насценгазеты-віншаванні, інтэрактыўную газету-плакат “Што ні слова – то дыямент!”, якая прапаноўвала ўсім жадаючым запісаць сваё любімае беларускае слова.
Гэты дзень таксама адзначыўся правядзеннем у 1-11 класах інфармацыйных хвілінак, разнастайных акцый, гульняў. Так, вучні пачатковых і сярэдніх класаў атрымалі ў падарунак беларускамоўныя буклеты-маляванкі, прысвечаныя Дню роднай мовы. Усім прыйшлася даспадобы віктарына “Салодкі перапынак”, якая прайшла пад лозунгам “Адчуй смак роднай мовы!” і запрашала на перапынках усіх жадаючых атрымаць цукеркі за веданне беларускіх слоў.